ပရီးမီးယားလိဂ် ကစားသမားဟောင်းကြီးတွေဖြစ်တဲ့ ဂျင်မီ ကာရေဂါ၊ ဂယ်ရီနဗီး၊ ရွိုင်ကိန်း၊ အီရန်ရိုက်တို့ဟာ The Overlap ချန်နယ်ကနေ လီဗာပူးနဲ့ အာဆင်နယ်တို့ရဲ့ ဒီအပတ် အန်းဖီးမှာ ကန်မယ့် ပရီးမီးယားလိဂ် ပွဲစဉ် အတွက် ရလဒ်တွေ ခန့်မှန်းခဲ့ကြပါတယ်။
လီဗာပူး ကစားသမားဟောင်း ကာရေဂါက “ အန်ဖီးကွင်းမှာ လီဗာပူးတို့ ရှုံးသွားမယ်လို့ မထင်ပါဘူး။ ဒီပွဲက ၁-၁ ရလဒ် ထွက်မှာပါ ” လို့ ပွဲကြို ခန့်မှန်းခဲ့ပါတယ်။
နဗီးက သဘောမတူဘဲ “ လီဗာပူးနိုင်မယ် ကျနော်တော့ မထင်ဘူး။ အာဆင်နယ်ပဲ နိုင်မှာပါ။ ၂-၀ ဖြစ်မယ် ထင်ပါတယ် ” လို့ ခန့်မှန်းခဲ့ပါတယ်။
ဂယ်ရီနဗီးရဲ့ ခန့်မှန်းကို ကြား အပြီးမှာ သူ့ရဲ့ ယူနိုက်တက် အသင်းဖော်ဟောင်း ရွိုင်ကိန်းက အံ့ဩသင့်စွာနဲ့ ” အိမ်ကွင်းမှာ လီဗာပူးက ပရီးမီးယားလိဂ် ၂ ပွဲဆက် ဂိုးမရနိုင်ဘူးလို့ မင်းတကယ်ပဲ ထင်နေတာလား?” လို့ ပြောသွားခဲ့ပါတယ်။
နောက်ထပ် သုံးသပ်သူ တစ်ဦးဖြစ်တဲ့ ဂန်းနားဟောင်းကြီး အီရန်ရိုက်ကတော့ အာဆင်နယ် ၁-၂ ဖြင့် အနိုင်ရမယ်လို့ ခန့်မှန်းသွားပါတယ်။