အာဆင်နယ်ဟာ ချန်ပီယံလိဂ် အဝေးကွင်းပွဲအဖြစ် ဆီးဗီးလာနဲ့ ယှဉ်ပြိုင်ရာမှာ ၁-၂ ဖြင့် အနိုင်ရခဲ့တာမို့ အုပ်စုအဆင့်ကို ကျော်ဖြတ်ရေး အခြေအနေကောင်းကို ပိုင်ဆိုင်လာခဲ့ပါပြီ။
ကုန်ခဲ့တဲ့ ဆယ်စုနှစ်မှာ ဆီးဗီးလာကွင်းထံ သွားရောက် အနိုင်ယူနိုင်တဲ့ ကလပ် များများစားစား မရှိပေမယ့် အာဆင်နယ်တို့ လုပ်နိုင်ခဲ့တာကို အာတီတာက ဂုဏ်ယူနေပါတယ်။
ဂျေးဆုရဲ့ ဒဏ်ရာဟာ တံကောက်ကြောဖြစ်ပြီး ကစားသမား ကိုယ်တိုင်က လူစားလဲပေးဖို့ တောင်းဆိုခဲ့ကာ အဝတ်လဲခန်းကို တန်းဝင်သွားခဲ့တာပါလို့ အာတီတာက ဆိုပါတယ်။
ပွဲအပြီးမှာ ဂျေးဆုက ပွဲစဉ်ရဲ့ အကောင်းဆုံး ကစားသမားဆုကို လက်ခံနေခဲ့သေးတာမို့ အခြေအနေ အရမ်းတော့ မဆိုးလောက်ပါဘူး။
အာဆင်နယ်ဟာ လက်ရှိ ချန်ပီယံလိဂ်မှာ ဒုတိယ ဒါမှမဟုတ် တတိယ အကောင်းဆုံး အသင်းပဲလို့ မိုက်ကယ်အိုဝင်က ချီးကျူးသွားပါတယ်။
အာဆင်နယ်ပရိသတ်တွေထဲမှာ အိုဒီဂတ်ရဲ့ ခြေစွမ်း ကျဆင်းမှုကို သိပ်သဘောမကျသူတွေ ရှိလာနေပါတယ်။ ၎င်းတို့ကတော့ အိုဒီဂတ်ကို ရောင်းပြီး လီဗာပူးအသင်း ကော်တင်ညိုကို ကလပ်စံချိန်တင်ကြေး ရှာခဲ့သလို ရှာဖွေဖို့ တိုက်တွန်းနေကြပါတယ်။
သီယာရီ အွန်နရီကတော့ ဆီးဗီးလာပွဲမှာ အာဆင်နယ်ရဲ့ ပွဲအဆုံးသတ်ပုံတွေကို သိပ်မကြိုက်ပါဘူး။ ယာယာ ကံကောင်းလို့ ကာကွယ်နိုင်ခဲ့တာဖြစ်ကာ ဖြတ်တင်ဘောတွေကို အာဆင်နယ်တို့ ခုခံပုံ လိုအပ်ခဲ့တယ်လို့ ထင်မြင်ချက် ပေးပါတယ်။