ပရီးမီးယားလိဂ် ကလပ် အများအပြားဟာ ၂၀၂၃-၂၀၂၄ ဘောလုံးရာသီအတွက် ပြင်ဆင်မှုတွေ စတင် လုပ်ဆောင်လာနေကြပြီ ဖြစ်ပါတယ်။
ဒီနွေမှာ လက်အသွက်ဆုံး ဖြစ်နေတာက အာဆင်နယ်အသင်းဖြစ်ပြီး ကိုင်ဟာဗက်၊ ဒီကလန်ရိုက်စ်နဲ့ တင်ဘာတို့အတွက် ပေါင် သန်း ၂၀၀ ကျော် အသုံးပြုထားပြီ ဖြစ်ပါတယ်။ အခြားသော ကလပ်တွေကလည်း ကစားသမားသစ်တွေ ခေါ်ယူနေကြပေမယ့် အာဆင်နယ်က အများဆုံး လှုပ်ရှားနေတာ ဖြစ်ပါတယ်။
မန်စီးတီးနဲ့ ချယ်ဆီးတို့ဟာ အဓိက ကစားသမား အများအပြားကို လက်လွတ်ထားရကာ အခုချိန်ထိတော့ အင်အားပြန်ဖြည့်မှုတွေကို အရှိန်တင်လာနိုင်ခြင်း မရှိသေးပါဘူး။ လီဗာပူးအသင်းကလည်း ကွင်းလယ်လူတွေ အများကြီးကို ထွက်ခွင့်ပေးနေရတာ ဖြစ်ပါတယ်။
စပါးအသင်းက ဟယ်ရီကိန်းကို ဆက်ထိန်းနိုင်ဖို့ အားထုတ်နေရပြီး မတ်ဒီကို ခေါ်ယူထားသလို ဂိုးသမား နေရာအတွက် ပြင်ဆင်မှုတွေ လုပ်ထားပါတယ်။ မန်ချက်စတာ ယူနိုက်တက်ကတော့ ဒီဂီယာ နေရာ အစားထိုးဖို့ နံပါတ် ၉ သမား အသစ်ခေါ်ယူဖို့တွေ လှုပ်ဆောင်နေတာပါ။
နယူးကာဆယ်ကလည်း ကစားသမားကောင်းတွေကို ခေါ်ယူနေကာ အေစီမီလန်ကနေ တိုနယ်လီကို ပေါင် သန်း ၅၀ ဝန်းကျင်ဖြင့် လက်မှတ်ထိုးထားနိုင်ခဲ့ပါတယ်။
ရာသီကြို ပြင်ဆင်မှုတွေမှာ အာဆင်နယ်ကတော့ အားအကောင်းဆုံး ဖြစ်နေခြင်းနဲ့အတူ ရာသီသစ်မှာ ပရီးမီးယားလိဂ်ဖလား စိန်ခေါ်နိုင်မယ် ရေပန်းစားမှု မြင့်တက်လာနေပါတယ်။ ဒါပေမယ့် ၃ ရာသီဆက် ချန်ပီယံ မန်စီးတီး အနောက်မှာပဲ ရှိနေသေးတာ ဖြစ်ပါတယ်။
ဇူလိုင်လ ဒုတိယအပတ်အပြီး ပရီးမီးယားလိဂ် ချန်ပီယံ ရေပန်းစားမှု
- Man City 8/11
- Arsenal 5/1
- Liverpool 8/1
- Manchester United 11/1
- Chelsea 12/1
- Newcastle 14/1