၂၀၂၂ ကာတာ ကမ္ဘာ့ဖလား ပြိုင်ပွဲကတော့ တဖြည်းဖြည်းနဲ့ ပုံပေါ်လာခဲ့ပြီ ဖြစ်ပါတယ်။ ဒီပြိုင်ပွဲမှာ ပြိုင်ပွဲဝင်မယ့် အသင်း ၃၂ သင်းမှာ အသင်းအများစုရဲ့ နာမည်ကတော့ အတည်ပြု ထွက်ပေါ်လာခဲ့ပါပြီ။ အုပ်စု မဲခွဲမှုတွေကို မနက်ဖြန် သောကြာနေ့မှာ ပြုလုပ်သွားမှာ ဖြစ်ပါတယ်။
မဲခွဲမယ့် နေ့ရက်၊ အချိန်
မဲခွဲမှုကို ဧပြီ ၁ ရက်၊ သောကြာနေ့၊ မြန်မာစံတော်ချိန် ည ၁ဝး၃ဝ နာရီ ကာတာနိုင်ငံ၊ ဒိုဟာက ဒိုဟာ ခန်းမမှာ ပြုလုပ်သွားကြမှာပါ။ ဒီမဲခွဲပွဲကနေ လေးသင်းစီ ပါဝင်တဲ့ အုပ်စု ၈ အုပ်စု ထွက်ပေါ်လာမှာ ဖြစ်ပါတယ်။
၃၂ သင်းရဲ့ အုပ်စု ၈ အုပ်စု ထွက်ပေါ်လာပြီး နောက်မှာတော့ ရှုံးထွက် မဲခွဲမှုတွေကလည်း တခါတည်း ပေါ်ထွက်လာမှာပါ။ အုပ်စု A ရဲ့ ပထမအသင်းက အုပ်စု B မှ ဒုတိယ ရတဲ့ အသင်းနဲ့ တွေ့မှာ ဖြစ်ပြီး A ရဲ့ ဒုတိယ အသင်းက အုပ်စု B ပထမနဲ့ အပြန်အလှန် တွေ့ဆုံမှာပါ။ အလားတူ C-D, E-F and G-H တို့ အပြန်အလှန် တွေ့ကြမှာ ဖြစ်ပါတယ်။
မဲအိုးများ
ဖီဖာရဲ့ ranking တွေ အလိုက် မဲအိုး လေးအိုးကို ခွဲထားမှာ ဖြစ်ပြီး အုပ်စု တစ်စုကို မဲအိုး တစ်အိုးစီက တစ်သင်းစီ ထုတ်ယူလာမှာပါ။ ယူအီးအက်ဖ်အေ ချန်ပီယံလိဂ် မဲခွဲမှုတွေလိုပဲ ဖြစ်ပါတယ်။ အိမ်ရှင် ကာတာ အသင်းကတော့ ranking အမြင့်ဆုံး အသင်းတွေထားတဲ့ မဲအိုး ၁ ထဲ ပါဝင်မှာပါ။
မဲအိုးအလိုက် ပါဝင်တဲ့ အသင်းတွေက အောက်ပါ အတိုင်း ဖြစ်ပါတယ်။
POT 1
- Qatar
- Belgium
- Brazil
- France
- Argentina
- England
- Spain
- Portugal
POT 2
- Denmark
- Netherlands
- Germany
- Mexico
- United States
- Switzerland
- Croatia
- Uruguay
POT 3
- Senegal
- Iran
- Japan
- Morocco
- Serbia
- Poland
- South Korea
- Canada
POT 4:
- Australia/United Arab Emirates/Peru
- New Zealand/Costa Rica
- Ukraine/Scotland/Wales
- Saudi Arabia
- Ecuador
- Ghana
- Cameroon
- Tunisia
ကာတာ ကမ္ဘာ့ဖလား ပြိုင်ပွဲ နေ့ရက်များ
အုပ်စု အဆင့် ပွဲတွေကို နိုဝင်ဘာ ၂၁ ရက် ကနေ ဒီဇင်ဘာ ၂ ရက်နေ့ထိ ကျင်းပမှာ ဖြစ်ပါတယ်။ ရှုံးထွက် ၁၆ သင်း အဆင့် ပွဲတွေကို ဒီဇင်ဘာ ၃ ရက်နေ့ကနေ ၆ ရက်နေ့ထိ ကစားကြမှာပါ။
ကွာတားဖိုင်နယ် ပွဲတွေကို ဒီဇင်ဘာ ၉ ရက်နဲ့ ၁ဝ ရက်မှာ ကစားမှာဖြစ်ပြီး ဆီမီးဖိုင်နယ်က ဒီဇင်ဘာ ၁၃ နဲ့ ၁၄ ရက်မှာ ကစားကြမှာပါ။ တတိယနေရာ လုပွဲက ဒီဇင်ဘာ ၁၇ ရက်နေ့မှာ ဖြစ်ပြီး ဗိုလ်လုပွဲက ဒီဇင်ဘာ ၁၈ ရက်နေ့မှာ ကစားမှာ ဖြစ်ပါတယ်။